 |
| Foto Ilustrasi |
Pasbana.com -- Tolelet bumbum,... Tolelet bumbum, Cando itu bana suaro tarompet oto ALS Jakarta Sumatra, baitulah ciloteh rang lapau manjalang tanggal 22 Mei ko.
Mak Diduk nan biaso Supir ALS ka Senayan takicuh dek Sitokarnyo, kecek Mak Lobi katiko bacarito ka rang lapau.
Baatu tanyo rang lapau sambil minta penjelasan ka Mak Lobi.
Yo baa ka indak supir katakicuh, alah sajaleh tu sitokar karajonyo tukang sorak, ba agih bana inyo lingkaran bulek jo kunci kontak untuk maiduik an masin oto.
Oto iduik, gas di takan, Oto malaju, nan supir jo panumpang tingga, kecek mak Lobi sambil maidu kopi manih.
Dek kancang lari oto, penumpangpun indak tau kalau oto lah barenagkek. Apo lagi supir mangko dek lah sampai di Senayan baru ka tahu kalau inyo dikicuh dek sitokar, sambung rang lapau sambia ma aduk kopi bacarito jo mak Lobi.
Iyo sabana lamak kopi ko mah, apo namo kopinyo ko tanyo mak Lobi ka rang lapau.
Iko kopi lai dari Pasaman Juo mah, tapi pabriknyo di Jakarta, kalau namonyo Kopi Politik mah, kecek rang lapau.
Balik kacarito oto, "kalau supir jo si tokar tu baa jadinyo"? tanyo rang lapau ka mak Lobi.
Yo baa lai, kalau oto ko lah sampai ka Senayan, tapaso manunggu limo tahun lai mangko kabalik. Nan sitokar kini lah punyo juragan baru lo e disinan, kecek mak Labi.
Kalau supir kini kabanyo ka mancari oto baru, tapi indak manambang ka Senayan lai doh. Lai baputa - buta di kampung ko jo. "Informasi dari lapau sabalah ka mambali oto No 1, tapi antah batu tah indak kito calik se basamo - samo bisuk" sambung Mak Lobi.
Yo lah, kito badoa sajolah ka nan kuaso, bia kito samo samo di agih razaki, disehatkan badan dan fikiran, apolagi hari sinayan bisuk kito ka puaso sabuik rang lapau.
By: Bung Gani (Wartawan Muda)
.jpg)
