 |
| Penulis: Sayid Af Ghani (Wartawan Muda) |
Untung sajo ambo bukan jadi pejabat, kalau indak marasoan apo nantaji baru - baru ko, dimano baju rancak dibaluik jas untuk pai undangan baralek, tibo tibo acara baralek tu bana nan dibatalkan. Sukurlah ambo hanyo tukang panggalaeh cindua.
Tapi kalau di pikia-pikia bana apo nan dirasoan urang tu acok bana tajadi didiri ambo mah. Katiko ambo alah mempersiapkan seluruh galeh tibo-tibo hari hujan, artinyo Cindua takacau hujan tibo.
Dimano, sagalo sesuatu bahan pambuek cindua alah siap mulai dari cindua nan dari sagu, cindua nan dari tapuang bareh nan santan lah bamasak pulo. Katiko kabarangkek, dicaliak hari lai rancak panehnyo, namun katiko galeh alah dikambang tibo-tibo hujan dareh tibo,,, iyo agak tarumuak hatinyo di bueknyo.
Tapi kalau dipikia-pikia bana lo balik, ancak mode ambo sipanggaleh cindua ko, dari pado apak-apak pejabat tu....
Walau pun ambo mengalami kerugian, tapi indak sempat urang nan rami ko tau. Palingan galeh ambo marugi dan manjadi barang basi. Beda samo apak-apak pejabat tu.
Kalau mereka tu, alah dikicuh dek surek undangan, babaju rancak, ditambah pulo disorot wartawan, dan menjadi terkenal. Kalau iyo terkenal sudah menjabat sekretaris, atau kabit di sinan oke sajo lah. Tapi iko terkenal dengan sebutan gagal dilantik.
Antah sia nan mangicuh dan sia nantakicuh kini ko. Yang jaleh nan malantik jo nan ka dilantik alah samo samo pake jas, dan alah siap untuk melakukan resepsi pelantikan. Namu karena urang nomor satu didaerah tu indak tibo acara gagal, dan dibubarkan.
Kalau manggaleh cindua indak ado acara kicuh mangicuh do, kalau lai modal dan cuaca ancak awak tetap manggaleh. Cuman yang paling penting suasana hati lai sanang, razaki insyallah pun murah..
