Malanca Wahid

Ditulis Oleh: A. S Patimarajo

pasbana | Untuk Kabar Sumbar - Lampu togok alah mati. Pudua diambuih guru tuo. Anak-anak nan lalok di surau, maraok di lapiak surang-surang.Tadanga suaro guru tuo bacarito dalam kalam satantang si Malanca.

Paso suatu hari, Malanca tacogokpulang kampuang. Tibo-tibo urang salapau raso barasian. Sabab,  kutiko ka pai marantau satahun nan lalu, hanyo mambaokkain saruang sajo. Kini Malanca lah kayo, takah toke gadang.

" Apo karajo Malanca mako barubah bana ragi kini?" tanyo Mak Uniang nan punyo lapau.

" Ambo macik kongsi kini Mak," jawek Malanca.

" Baa mako picayo sajo urang ka Malanca," salidiak Mak Uniang.

"Ambo tambah balakang namo ambo jo Wahid. Namo Wahid ko kaum bangsawan ko Mak Uniang. Sainggo manjadi Malanca Wahid. Mako dipicayo ambo macik kongsi, diagiah gaji gadang. Malah jadi garin, sarato langkok jadi imam bagai ambo di sinan,"tarang Malanca.

"Yo, ba itu Malanca. Kini ko dima iduik kasanang. Biyalah budi tajuwa, paham tagadai. Duniya ko wale mah," sindia Mak Uniang sambia galak sengeang.

Samantaro Malanca ndak dapek jawek. Mukonyo sirah padam manahan malu. Urang salapau sato bapihak ka Mak Uniang......